ਇੱਕ ਮੁੱਠੀ ਲੂਣ....Spiritually

ਜਖਮ ਮੇਰੇ ਅਜੇ ਵੀ ਕੁਝ ਹਰੇ ਨੇ
ਵਕਤ ਦੇ ਗੇੜ ਨਾਲ ਨਾ ਭਰੇ ਨੇ
ਪਰ ਤੂੰ ਆਪਣਾ ਫਰਜ ਨਿਭਾ ਦੇ
ਬੱਸ ਇੱਕ ਮੁੱਠੀ ਲੂਣ ਦੀ ਪਾ ਦੇ

ਕਦੇ ਨਫਰਤ ਦਿਲੋਂ ਮੁਕਾਈ ਨਾ
ਮੇਰੀਆ ਯਾਦਾਂ ਵੀ ਅਪਣਾਈ ਨਾ
ਮੇਰੇ ਮੱਥੇ ਦੋਸ਼ ਕੁਝ ਹੋਰ ਲਗਾ ਦੇ
ਬੱਸ ਇੱਕ ਮੁੱਠੀ ਲੂਣ ਦੀ ਪਾ ਦੇ

ਤੇਰੀ ਮਹਿਫਲ ਚ ਮੇਰਾ ਜਿਕਰ ਹੋਣਾ ਏ
ਟੁੱਟੀਆ ਸੱਧਰਾਂ ਬੁੱਕ ਬੁੱਕ ਰੋਣਾ ਏ
ਕੌਣ ? ਕਹਿ ਤੂੰ ਮੈਨੂੰ ਗੈਰ ਬਣਾ ਦੇ
ਬੱਸ ਇੱਕ ਮੁੱਠੀ ਲੂਣ ਦੀ ਪਾ ਦੇ

ਮੈਂ ਝੂਠ ਤੇ ਜਫਾ ਕਮਾਉਦਾ ਹਾਂ
ਤਾਂ ਹੀ ਤਾਂ ਦੋਸ਼ੀ ਅਖਵਾਉਂਦਾ ਹਾਂ
ਬਦਨਾਮੀ ਦਾ ਤੂੰ ਕਹਿਰ ਕਮਾ ਦੇ
ਬੱਸ ਇੱਕ ਮੁੱਠੀ ਲੂਣ ਦੀ ਪਾ ਦੇ

ਤੇਰੇ ਧੋਖੇ ਮੈਂ ਜੱਗ ਤੋਂ ਲੁਕਾਏ ਨੇ
ਰੋ ਰੋ ਹੰਝੂ ਵੀ ਮੈਂ ਤਾਂ ਮੁਕਾਏ ਨੇ
ਪਰ ਤੂੰ ਅੱਖਾ ਚੋਂ ਲਹੂ ਕਢਾ ਦੇ
ਬੱਸ ਇੱਕ ਮੁੱਠੀ ਲੂਣ ਦੀ ਪਾ ਦੇ

ਅਰਥੀ ਤੇਰੀ ਗਲੀ ਮੇਰੀ ਆਣੀ ਏ
ਮੇਰੇ ਨਾਲ ਮੇਰੀ ਵਫਾ ਮੁਕ ਜਾਣੀ ਏ
ਬਾਕੀ ਰੋਂਦੇ ਪਰ ਤੂੰ ਮੁਸਕਰਾ ਦੇ
ਬੱਸ ਇੱਕ ਮੁੱਠੀ ਲੂਣ ਦੀ ਪਾ ਦੇ

ਭੁੱਲ ਗਿਆ....Spiritually

ਮਿ੍ਗ ਦੀਆਂ ਰਸਮਾਂ
ਪੂਰੀਆਂ ਕਰ ਮੇਰੀ
ਲਾਸ਼ ਨੂੰ ਚਾਰ ਮੋਢਿਆ
ਦੀ ਗੱਢੀ ਚਾੜ
"ਰਾਮ ਰਾਮ ਸੱਤ"
ਦਾ ਉਚਾਰਣ ਕਰਦੇ
ਸਭ ਅੱਗੇ ਵੱਧ ਗਏ
ਚੀਕ ਚਿਹਾੜਾ
ਗਮਗੀਨ ਮਾਹੌਲ ਨੂੰ
ਸਿਖਰ ਵੱਲ ਖਿੱਚੀ ਜਾਵੇ

ਸਿਰ ਤੇ ਚਾਟੀ ਭੰਨ
ਆਖਿਰੀ ਮੁੱਖ ਦਰਸ਼ਨ
ਤੋਂ ਬਾਅਦ ਅਗਨੀ ਦੇ
ਦਿੱਤੀ ਗਈ
ਪਰ ਮਰਿਆ ਸਰੀਰ
ਝਟਕਾ ਖਾ ਗਿਆ
ਦਿਲ ਚ ਤੂਫਾਨ ਆਇਆ
ਕੰਨਾਂ ਚ ਆਵਾਜ ਪਈ
ਸਾਹਾਂ ਦੀ ਹਨੇਰੀ ਨੇ
ਅੱਗ ਦੀਆਂ ਲਪਟਾਂ ਬੁਝਾਈਆਂ
ਰੋਦੇ ਚਹਿਰੇ ਘਬਰਾ ਕੇ
ਪੁੱਠੇ ਪੈਰੀ ਦੌੜੇ
ਹੈਰਾਨੀ ਤੇ ਪਰੇਸ਼ਾਨੀ ਚ
ਸਭ ਬੁੜ ਬੁੜ ਸ਼ੁਰੂ ਕੀਤੀ
ਹੈਰਾਨੀ ਨੂੰ ਸ਼ਾਂਤ ਕਰਦੇ ਕਿਹਾ
ਸਾਰੇ ਇੱਥੇ ਹੀ ਰੁਕਣਾ
ਮੈਂ ਹੁਣੇ ਆਇਆ
ਕੁਝ ਭੁੱਲ ਗਿਆ ਸਾਂ
ਕੰਬਦੀ ਜੁਬਾਨੇ ਸਭ
ਇੱਕੋ ਧੁਨ ਪੁੱਛਿਆ
ਕੀ ਭੁੱਲ ਗਿਆ ??
ਤੂੰ ਕੀ ਭੁੱਲ ਗਿਆ??
ਨਿਕਲੀ ਗੱਲ ਜੁਬਾਨੋਂ
ਇੱਕ ਆਪ ਮੁਹਾਰੇ
ਉਏ ਲੋਕੋ ਮੈਂ ਜੀਣਾ ਭੁੱਲ ਗਿਆ ਸਾਂ..